Midilibre.fr
Tous les blogs | Alerter le modérateur| Envoyer à un ami | Créer un Blog

mardi, 19 mai 2009

Lo NPA s'aucupa metaforicament d'Occitània

Es sempre susprenent una afica de campanha electorala que parla d'internacional quand l'objectiu es ben elegir deputat representatiu de nòstra region europenca, de mai es encara susprenent qu'un partit que s'aucupa negativament de la preséncia de l'occitan dins las escòlas de Sijan de vóler s'aucupar de la Turquia e del Curdistan ... Disem còp sec als militants curdes d'Occitània, lo NPA los va enganar.

Lo NPA s'aucupa.jpg
La guèrra es dubèrta entre nacionalistas d'esquèrra per las aficas d'aquesta campanha, entre lo FdG e lo NPA ; mas al reialme de l'ipocrisia politica, reialme jules ferry e republican, avem lo NPA que refusa las escòlas qu'ensenhan l'occitan a Sijan, Calandreta a defaut d'aver una politica per l'escòla publica (lo NPA dins l'Aude es representat pel regent de l'escòla publica de Sijan ...) e lo NPA dins la region-circonscripcion del Sud-Ouest vòl informar sul Curdistan ... QUINA IPOCRISIA !
L'ipocricia es sanciera quand la França del nacional-egemonisme bonapartista franchimand vòl explicar a la Turquia quines son los camins democratics per respectar las minoritats e dintrar, aital, melhor dins l'Union Europèa... en respectar los tractats que França respecta pas.
De l'extrèma-esquèrra francesa a l'extrèma-dreita francesa lo discors es lo meteis, lo nacional-expansionisme francés es prioritat pel mercat de la francofonia dels regents de la republica, lo netejament lingüistic de l'E.N. sembla talament a las armadas turcas, far morir los locutors se pòt far fisicament o lingüisticament.
Quina ipocrisia dels militants en Occitània del NPA !! Pareis que son l'avenidor de l'esquèrra, .... mouais ?!?!?! Es que ne podem dobtar ?