Midilibre.fr
Tous les blogs | Alerter le modérateur| Envoyer à un ami | Créer un Blog

jeudi, 08 janvier 2009

820 annadas de comuna democratica a Tolosa

Aprèp Marselha, Bordèu, Cáurs, etc... Tolosa a obtengut aprèp una batalha politica fòrta los dreits que França li a panat dinca la dicha revolution de 1789... Mas uèi encara los elegits de las comunas occitanas an pas encara près las libertats ganhadas abans l'arribada de França, per exemple sábon pas integrar la lenga que faguèt lo serment del Comte de Tolosa pels dreits novèls tolsans.
Avètz aquí l'article de la DDM de Tolosa

comuna de Tolosa.jpg

Caldrà remarcar que l'Institut d'Estudis Occitan es devengut talament famós dins la redaccion de la DDM, que l'Institut d'Estudis Istoric n'es oblidat ! E i a de trabalh per l'IEI, sobretot dins las escòlas de la republica francesa, per ensenhar l'istòria del país, aital benlèu se farà mens escòla de l'Estat e mai escòla del pòble (aquí lo pòble occitan).
Aprèni uèi de la boca d'un istorian african, que mantunes istorians europèus pensan l'istòria a partir dels escriches, e pas dels racontes istorics, de la paraula del pòble. Bon, mas sem pas en Africa, en Occitània, l'Istòria nòstra es considerada coma un raconte istoric, coma una granda afabulacion, un fantasme d'occitanistas, e que la redaccion de la DDM n'es fortament convençuda... donc la DDM es encara manipulada per París. Car en Occitània, avem mantunes escriches de la dominacion francesa e de son organizacion politica.
D'aquesta commemoracion caldrà notar tanben, que malgrat los vòts populars, los elegits d'Occitània son encara manipulats per aquestas premsas localas que lísan las sabatas de las pensadas parisencas, encara ! E donc, an pas integrat realament una pensada politica digna per lor país, pel país nòstre.