Midilibre.fr
Tous les blogs | Alerter le modérateur| Envoyer à un ami | Créer un Blog

mardi, 31 juillet 2018

Lo PNO amb los agricultors de la Pièja ( Aude ) .

ACTUALITÉS : OCCITANIE - Communiqué du Parti de la Nation Occitane (PNO) 

 

-----------------------------------

 

Perqué los agricultors occitans de la Pièja dins lo Lauragués menèron una accion al passatge del Torn de Françalo  24 de julhet ?

Dimars passat, d’unes agricultors occitans, pròches de la Confederacion Païsana, amb de bandièras occitanas, blocaron brèvament  la 16ena estapa del Torn de França.

Causiguèron aquel biais de far perque lo passatge del Torn de França aganta la molonada, es fòrça mediatizat e es un tras que bon mejan de far coneisser lors reivindicacions que autrament demorarián inausiblas.

Lo Partit de la Nacion Occitana denoncia l’actitud dels mèdia franceses que filmèron pas que los correires arrestats e incomodats pels gas lacrimogèn de las fòrças de l’òrdre.

Aquel gas foguèt utilizat per esparpalhar los manifestants, lors balas de fen e lors fedas e desempachar lo passatge.

Aquela accion dels agricultors que foguèt denonciada per l’Occitan tarnés e ancian correire cicliste, Laurenç Jalabert, e los mèdia coma inadmissibla es del tot legitima segon lo Partit de la Nacion Occitana.

Los agricultors de la Pièja coma maites collègas lors de las autras regions occitanas volián denonciar la reforma europèa de las « zònas desfavoridas » e mai precisament contestar lo desclassament burocratic e injustificat de lor zòna de combas e vals en zòna de plana que los privariá de subvencions europèas.

Lo ministre de l’agricultura que los deviá encontrar a Carcassona  venguèt quitament pas.

Lo Torn poguèt tornar partir mas los problèmas dels agricultors, mai que mai l’installacion dels joves, dels quals lo Partit de la Nacion Occitana es completament solidari, demòran de resòlvre.

Lo Partit de la Nacion Occitana pensa que aguèssem de regions am de poders vertadièrs, aquelas negociarián amb l’Union europèa mièlhs que de París las subvencions dins l’encastre de la PAC (Politica Agricòla Comuna) e las redistribuïrián mai judiciosament.

Lo Partit de la Nacion Occitana afortís que lo centralisme estatic francés, dins l’agricultura tan coma dins totes los domènis, es contrari als intèresses dels Occitans.

Los Occitans deurián poder prene en çò sieu las decisions d’una manièra autonòma.

Écrire un commentaire