Midilibre.fr
Tous les blogs | Alerter le modérateur| Envoyer à un ami | Créer un Blog

vendredi, 22 juin 2018

PNO / OMENATGE A LA RESISTENCIA OCCITANA A TOLOSA .

https://upload.wikimedia.org/wikipedia/commons/3/35/Plaque_Simon_de_Montfort.jpg 

 

Omenatge a la Resisténcia Occitana los 23, 24 e 25 de junh à Tolosa

 

800 ans fa, lo 25 de junh de 1218, Simon de Montfòrt, cap de l’armada francesa que dempuèi 1209 degalhava las tèrras dels Comtes de Tolosa e de lors aliats jol pretèxt d’una Crosada contra los eretges albigeses, èra tuat del temps que son armada assetjava Tolosa.

 

Aquel eveniment permetèt als bailes politics legitims del Comtat de Tolosa de tornar prene coratge e de tornar reconquistar lor independéncia fins al 1224.

 

Son de femnas que manejèron la maquina que mandèt Simon de Montfòrt dins l’autre mond. Aquò mòstra plan qu’es tota la societat occitana d’alara que èra mobilizada per la defensa de nòstra civilizacion fàcia a la barbariá francesa.

 

800 ans aprèp lo poder francés que colonizèt Occitània es totjorn omnipresent en çò nòstre.

Impausa sas leis, son organizacion politica, sa lenga e a gaireben reüssit a far morir la nòstra, l’occitan tanplan coma las autras lengas de França.  

 

Lo dissabte 23 de junh, dimenge 24 de junh e lo diluns 25 de junh de 2018, lo Partit de la Nacion Occitana s’associa a l’omenatge que sera rendut a la Resisténcia Occitana, a las femnas tolosanas tan plan coma als detzenats de milièrs d'Occitans que se batèron contra aquela guèrra d’annexion e defendèron nòstra libertat.  Simbolicament de pèiras seràn pausadas jos la placa commmorativa de l'eveniment e una garba serà depausada en l’onor de la resisténcia occitana. 

 

Apelam las Occitanas e los Occitans d’origina o d’adopcion a venir rendre un vibrant omenatge a la resisténcia de lor pòble.

 

800 ans aprèp, lo poder colonial francés reina en mèstre en Occitània.

Impausa sas leis, son organizacion politica e sa lenga.  

800 ans aprèp, la resisténcia a l’assimilacion es mai que jamai necessària. La nacion occitana, que son vector es la lenga occitana, se deu pas avalir. Poirà vertadièrament s’emancipar sonca per l’independéncia e la creacion d’un Estat occitan que tòrne unificar Occitània administrada per França, l’Espanha e Itàlia. Per i arribar, lo camin serà long e malaisit mas es lo sol que valga la pena de seguir per rendre vertadièrament omenatge al sacrifici de nòstres aujòls.

Comunicat del Partit de la Nacion Occitana .

.Una delegacion de PAIS NOSTRE sera tamben presenta .

Écrire un commentaire