Midilibre.fr
Tous les blogs | Alerter le modérateur| Envoyer à un ami | Créer un Blog

mercredi, 20 juin 2018

SIRVENTES D'ESTIU A CARCASSONA / 1218 ... MOMENT D'ESPER OCCITAN !

http://www.audecathare.fr/images/chateaux_abbayes/carcassonne/Carcassonne1.JPG 

 
 

 

 

Lo 25 de junh de 1218, amb la mòrt de Montfòrt al pè de las muralhas de Tolosa, se dobrís un temps d'esper per las tèrras occitanas aprèp nòu annadas d'una Crosada sagnosa. Lo Sirventés d'Estiu, del 2 al 13 de julh, a l'Ostal Sirventés (79, la Trivala, a Carcassona) marca lo remembre d'aquela data istorica amb una mòstra e tres rescontres.

La mòstra 1218-2018 recampa fotografias dels luòcs significatius de l'Occitania medievala degudas a Joan-Loís Gasc, repren las gravaduras consacradas a la Canso per Estefan Lalou e Blandina Lequesne e presenta doas aqüarèlas originalas d'Anna Réby. L'estrena de la mòstra se farà lo diluns 2 de julh, a 6 oras e mièja del vèspre.

Las intervencions (dintrada liura, a 6 oras e mièja del vèspre) concerniràn :

1-  Los trobadors fàcia a la Crosada, subjècte presentat per Gerard Zuchettò (director del festenal Los trobadors cantan l'art romanic), lo divendres 6 de julh

2 -L 'istòria occitana, tractada per Joan Sagnes, autor de Petite histoire de l'Occitanie (ed. Cairn), lo diluns 9 de julh.

3 - La cronologia de l'an 1218a Tolosa, presentada per Jòrdi Laboissa, lo divendres 13 de julh.

Aquestes rendètz-vos son organizats per l'Institut d'Estudis Occitans-Aude e lo Cercle Occitan del país de Carcassona, amb la participacion dels Companhs de Paratge e de l'ADREUC, e amb lo sosten de la Comuna de Carcassona, del departament d'Aude e de l'Ofici Public per la Lenga Occitana.

La mòstra serà dobèrta del diluns al divendres, de 4 oras a 7 oras del vèspre duscas al 13 de julh.

Écrire un commentaire