Midilibre.fr
Tous les blogs | Alerter le modérateur| Envoyer à un ami | Créer un Blog

dimanche, 17 juin 2018

17 DE JUNH / LA VAL D'ARAN FESTEJA SON JORN NACIONAL .

http://www.axl.cefan.ulaval.ca/EtatsNsouverains/images/Aran-val-Catalogne-drap.pngLa Val d’Aran festeja uèi son jorn nacional, en commemorant la restauracion del Conselh General lo 17 de junh de 1991, 151 ans après son abolicion per las autoritats espanhòlas. Ongan la jornada revendica, d’un biais net e clar, lo complet desplegament e l’aplicacion de la darrièra Lei del Regim Especial d’Aran, que regula l’autogovèrn del país e sas relacions amb Catalonha. Aquela Lei d’Aran s’aprovèt lo 21 de genièr de 2015 al Parlament de Catalonha e intrèt en vigor lo 14 de febrièr d'aquela meteissa annada.
 
La celebracion se ten a Vielha, coma es abitual, amb lo passacarrièra de totes los pendons portats per de representants de cada terçon —la division istorica d’Aran— dempuèi la sedença del Govèrn d’Aran fins al Santuari de Mijaran.
 
Après la recepcion del Sindic d’Aran e del passacarrièra, a 11h, dins lo luòc de la messa solemna a la glèisa del Santuari e, puèi, dins las roïnas de l’ancian santuari, se levarà lo drapèl e se sonarà l’imne nacional occitan, qu’es oficialament l’imne de la Val d’Aran (en version aranesa).

( Lo Jornalet ) .

Écrire un commentaire