Midilibre.fr
Tous les blogs | Alerter le modérateur| Envoyer à un ami | Créer un Blog

dimanche, 10 juin 2018

COLLECTIU OCCITAN / UNA ACCION QUE PORTA FRUCHAS !


 
 
 
 
 
 
 
 
 
 

UNA  ACCION  QUE  PORTA  FRUCHAS

Los aperitus-revindicatius dau Collectiu Occitan èran pensats per marcar simbolicament 
la continuitat de l'accion entamenada lo 8 de novembre passat e qu'a decidida d'estre 
capuda illustrant lo provèrbi clapassièr :
             Val mai levar lo coide
                   Que de tombar los braces

Rementam que s'agis d'obtener una presença renforçada e quotidiana de l'occitan 
a França 3 coma dins las radios publicas localas e que França 3 vengue una vertadièira 
cadena publica regionala.
Fin finala la data dau 6 de junh es estada ben astrugada que tombèt dos jorns aprèp lo 
discours de la Ministra per lançar la refòrma de l'audio-visual public.
Nos dona rason en afortissent
 - que i a una demanda pel regional
 - que i a audiença

Aquò nos confòrta per demandar que França 3 sià non pas una cadena nacionala 
a vocacion regionala, mas una vertadièira cadena regionala a vocacion generalista e que 
maneja entre 80 e 90 % de la grasilha de programes.

I aguèt 6 aperitius dins 6 vilas : Nimes, Montpelhièr, Rodés, Carcassona, Tolosa e Albi amb
un punhat de valents, e aquò al metèis moment.

L'acuèlh de France 3 es estat plan coral e an fach resson de nòstras accions dins los 
jornaus de Montpelhièr e Tolosa.

Avem rescontrat gaireben pertot los responsables e a Tolosa lo director Carlos Belinchon e 
la directora dels programes Laure Cornejo venguèron  bèure e charrar longament.

Podem ja afortir que ia aurà una melhora preséncia de l'occitan a França 3 Occitania e
que de tancatges son a se levar.

Aquò nos confòrta per contunhar l'accion d'autant mai que per la refòrma i aurà 
consultacions tant del governament que pels parlamentaris. Ja una reunion es prevista
amb lo cabinet de la Ministra.

Comptam tanben amb lo sosten de las comunas que jògan plan lo jòc.

Tot aquò serà utile per la socialisacion de l'occitan, sa visibilitat e la produccion audiò-visuala
dins la nòstra lenga.
 Joan-Lois Blénet per lo Collectiu Occitan .

Écrire un commentaire