Midilibre.fr
Tous les blogs | Alerter le modérateur| Envoyer à un ami | Créer un Blog

mardi, 05 juin 2018

A PERPINHAN ARTUR MAS A RESCONTRAT MILITANTS OCCITANISTAS .

https://www.jornalet.com/imgMini/600/600/10060Qualques personalitats occitanistas, dont Dàvid Grosclaude, Joan-Pèire Laval e Gael Tabarly, rescontrèron lo 129n president de la Generalitat de Catalonha, Artur Mas, diluns passat a Perpinhan (Catalonha), dins l'encastre d'una serada publica qu'amassèt mai d'un centenat de personas. Grosclaude i representava l'ALE Laval i assistissiá coma delegat de País Nòstre e Tabarly i èra en qualitat d'elegit de Montalban (Bas Carcin).
 
Convidat per Unitat Catalana amb lo sosten de l'Aliança Liura Europèa (ALE), l'ancian president catalan expliquèt que non pensava pas que lo nòu president del govèrn espanhòl, Pedro Sánchez, aguèsse la mendra intencion de discutir del drech a l'autodeterminacion; pasmens, lo president Mas crei que la casuda de Rajoy poiriá crear una situacion "un pauc mei favorabla", çò raportèt Grosclaude.
 
Artur Mas expliquèt la situacion de Catalonha l'endeman de la presa de foncions de Sánchez a Madrid e l'endeman de la mesa en plaça del nòu govèrn catalan, e insistiguèt sus l'importància dels supòrts internacionals qu'ajudan als catalans a seguir lo camin qu'aquestes an causit.

LO JORNALET / 5 de Junh .

Écrire un commentaire