Midilibre.fr
Tous les blogs | Alerter le modérateur| Envoyer à un ami | Créer un Blog

mercredi, 02 mai 2018

FORUM CIUTADAN OCCITAN LO 22 DE SETEMBRE A TOLOSA .

https://france3-regions.blog.francetvinfo.fr/le-blog-de-viure-al-pais-france3/wp-content/blogs.dir/141/files/2015/09/FullSizeRender.jpg 

Lo forum ciutadan occitan pausarà sas valisas a Tolosa lo 22 de setembre 2018. Mas quinas seràn las tematicas ongan ? Començam d’i veser mai clar ! Lo comitat de pilotage que recampa de jornalistas anoncia una « Dintrada » plan diferenta de l’an passat ambe lo matin un estat dels luòcs d’Occitània region per region. La tòca es de tornar trapar la dimension « pan-occitana », de metre en evidéncia çò que marcha, e çò qu'avança pas. Per cada region, de personalitats faràn un bilanç que cobrirà totas las tematicas que pertòcan los ciutadans occitanistas : ensenhament de la lenga, medias, cultura, democracia. En mai, un convidat europèu pausarà son agach sus la situacion nòstra en comparason ambe çò que se passa dins son país e pertot en Euròpa. Un debat seguirà aquelas presentacions per completar o precisar las causas. Aurem aital en fin de matinada un panoramà pro complet de l’espandi occitan, de sas fòrças e de sas flaquesas.

L’aprep-dinnada promet d’esser mai ofensiva ambe dos grands talhiers que se debanaràn en parallèl. Los participants deuràn causir entre los dos questionaments prepausats : « Una granda manif ? » o « Una novèla organisacion politica ? ». Fectivament, 50 ans aprep mai de 68, l’ora es venguda de se bolegar ! De personalitats seràn convidadas per s’esprimir sus cada problematica, e d’activitats en pichons gropes seràn prepausadas…

Per clavar la jornada, una plenièra permetrà de far un bilanç de cada talhier, e serà seguida d’un escambi… que se perlongarà de segur a l’aperitiu !

Brunò Cecillon, Uc Jourde, Esther Mimart-Rangel, Gisèla Naconaski, pel Comitat de pilotage.

 

Écrire un commentaire