Midilibre.fr
Tous les blogs | Alerter le modérateur| Envoyer à un ami | Créer un Blog

vendredi, 22 décembre 2017

BORDEU / CONVENCION PER L'ENSENHAMENT DE L'OCCITAN .

Résultat de recherche d'images pour "photos de bordeaux"L'Ofici Public per la Lenga Occitana comunica :

Signatura de la convencion academica per desvolopar l’ensenhament de l’occitan dins l’acadèmia de Bordèu 

M. Olivier DUGRIP, Rector de l’acadèmia de Bordèu, M. Alain Rousset, President de la Region Novèla-Aquitània, Mma Charline CLAVEAU-ABBADIE, Presidenta de l’Ofici public de la lenga occitana, atau coma Mma Régine ANGLARD, Vice-Presidenta deu Conselh departamentau de la Dordonha, Mma Danielle LACOSTE, M. Marcel CALMETTE, Mma Monique SÉMAVOINE, respectivament Conselhèrs departamentaus de la Gironda, d’Òlt-e-Garona e deus Pirenèus-Atlantics, an signat aqueth diluns, lo 11 de deceme, a l’Ostau de Region a Bordèu, en preséncia de M. Patric ROUX, representant la Region Occitània, una convencion territoriala per desvolopar e estructurar l’ensenhament de l’occitan dins l’acadèmia de Bordèu. 

Aquera convencion, que fixa d’objectius mèi que mèi en tèrme d’ubertura de novèlas escòlas bilingüas francés – occitan (ubertura d’una escòla per an e per departament), installa tot parièr los utisses de concertacion entre los servicis de l’Estat, las collectivitats territorialas signatàrias, l’Ofici public de la lenga occitana e las associacions-operators entà escambiar sus la planificacion en tèrmes d’ubertura de novèlas filièras. 

Bota egaument en plaça un dispositiu d’abilitacion-formacion deus professors que desirarián integrar d’occitan a lors ensenhaments, apiejat a un dispositiu d’ajuda financèra individuala (borsas Ensenhar). 

Aquera convencion academica declina la convencion nacionala signada peu ministèri de l’Educacion nacionala, las Regions Novèla-Aquitània e Occitània e de l’Ofici public de la lenga occitana lo 26 de genèr passat e qu’installava, per las acadèmias de Bordèu, Limòtges, Montpelhièr, Peitius e Tolosa, de modalitats d’ensenhament armonizadas, la continuitat deus cursusses d’ensenhament peus escolans, la possibilitat d’experimentar l’ensenhament immersiu dins l’ensenhament public, l’ahortiment deus utisses de concertacion e d’evaluacion de las accions. 

Mèi de 20 sitis bilingües publics francés-occitan son estats ubèrts dins l’acadèmia de Bordèu aqueras cinc darrèras annadas. A la dintrada 2017, dins lo primari, son 1957 escolans dins l’ensenhament bilingüe public, 540 dins l’ensenhament bilingüe calandreta e 28 dins l’ensenhament bilingüe confecionau. Dins lo segond gra, los efectius bilingües despassan los 120 escolans (ensenhament public e privat associatiu) ; amb una progression a venir ligada au desvolopament de las filièras deu primièr gra. Per l’ensenhament opcionau, son mèi de 2200 escolans que hèn d’occitan dins l’ensenhament public (collègi e licèu) e mèi de 350 dins l’ensenhament privat confecionau. 

Mèi generaument en Novèla-Aquitània e en Occitània, son mèi de 35 000 escolans que siègon un ensenhament de l’occitan dins lo primièr gra, e mèi de 12 000 dins lo segond gra (collègi e licèu). Pròche de 10 000 escolans siègon un ensenhament bilingüe francés-occitan.

Écrire un commentaire