Midilibre.fr
Tous les blogs | Alerter le modérateur| Envoyer à un ami | Créer un Blog

jeudi, 02 novembre 2017

LO P.N.O AMB LO COLLECTIU OCCITAN LO 8 DE NOV A TOLOSA .

Résultat de recherche d'images pour "PHOTOS MANIFESTATIONS OCCITANES"Lo Partit de la Nacion Occitana sosten lo Collectiu Occitan

 

Los movements Occitans s’i tòrnan a revendicar. Dètz associacions e movements que s’amassèron fa qualques jorns a Tolosa creèron un Collectiu occitan que fa una crida a l’accion dins las setmanas venentas.

 

Bel primièr al còr del malaise lo còp portat contra las escòlas Calandretas amb la fin de 70 contractes ajudats. D’acampadas per carrièras jà se faguèron e lo Collectiu sosten las novelas manifestacions previstas a Pau e a Bordeu los 14 e 21 d’octòbre de 2017.

 

Un autre sicut de mescontentament, es la preséncia tras que flaca de l'occitan subre l'antena regionala de France 3, una vertadièra vergonha dins una Region que se sona Occitania.

 

Lo Collectiu manda lo let de la campanha "Volèm l'occitan cada jorn a la television".

Un primièr passa carrièra se farà lo dimecres 8 de novembre de 2017 a 11 oras 30 Plaça del Capitòli  a Tolosa.

 

Lo Partit de la Nacion Occitana (PNO) crida a participar a-n-aqueste passa-carrièra.

 

. Las associacions e movements sòcis del Collectiu Occitan son :

La Confederacion de las calandretas, Convergéncia Occitana, Pais Nòstre, Bastir  Occitanie, lo Partit Occitan, L’Esquèrra Revolucionaria Occitana, lo Partit de la Nacion Occitana, e l’Associacion Macarel.

Écrire un commentaire