Midilibre.fr
Tous les blogs | Alerter le modérateur| Envoyer à un ami | Créer un Blog

samedi, 23 septembre 2017

JORNADA D'ACCION DE LAS CALANDRETAS DIMARS 26 DE SETEMBRE .



EMPLECS AJUDATS
JORNADA D'ACCION DEL 26 DE SETEMBRE !
La dintrada 2017-2018 es marcada per la supression dels emplecs ajudats.
Aquela decision nos impacta per ara e per deman mas los primièrs tocats demòran
totes los qu’an perdut, o que van perdre dins las setmanas e los meses que venon,
lor emplec.
Son plan de personas, pas de contractes, que van sortir del nòstre projècte alara que
n’asseguravan lo bon marchament de cotria las còlas de regents e d’associatius.
La Confederacion Calandreta rementa que las nòstras estructuras son d’establiments
d'ensenhament associatius nascuts d’initiativas ciutadanas.
Lo desvelopament important del movement desempuèi 30 ans es plan lo signe de la
pertinéncia del projècte.
Sul nòstre camin, la question de l’emplec se pausèt de longa e utilizèrem totes los
formats.
A cada còp, ensajèrem tant coma possible de metre las personas dins de condicions
bonas que permetèron plan sovent a las gents de se tornar quilhar e de trapar una
plaça al dintre de la societat.
Calandreta patís de pas poder consolidar mai d’emplecs mas Calandreta es sovent
un passatge important cap al retorn a l’emplec, cap a la reconeissença sociala, a
l’estima de se.
La Confederacion vos convida a faire ausir la nòstra diferéncia un còp de mai sus una
question vitala.
Avètz la causida del mòde d’accion en tot saupre que podètz ja mandar la letra al
Prefècte (mòdel de letra sus lo site internet de la confederacion per rampèl)
e que podètz difusar lo comunicat dins totas las redaccions de vostra region (cf.
mòdel comunicat mandat per la confederacion).
L’initiativa deu èsser associativa, objectiva e pas partisana. Fàcia al contèxte avèm
dreit de ne presentar las consequéncias foncionalas e umanas.

La còla dels delegats regents CALANDRETA, acampats lo 20 de setembre a Tolosa.

FOTO / MANIFESTACION DE CALANDRETAS A PAU .

Écrire un commentaire