Midilibre.fr
Tous les blogs | Alerter le modérateur| Envoyer à un ami | Créer un Blog

jeudi, 24 août 2017

REFERENDUM E VAL D'ARAN / LO MANIFEST DE LES .

Résultat de recherche d'images pour "PHOTOS DE LES EN VAL D'ARAN" 

                   

Aué, 14 d’agost de 2017, amassats militants e simpatizants de: CDA (Convergéncia Democratica Aranesa), Unitat d’Aran, ERO (Esquèrra Republicana Occitana), CUP, Podem e Corròp, en pòble de Les, es presents acòrden per unanimitat hèr public eth següent manifèst:

 

 

Manifèst de Les

  1. Aran ei un subjècte polític qu’a reconeishut per Lei eth dret a decidir (Disposicion Addicionau Prumèra dera Lei 1/2015, de 5 de hereuèr, deth regim especiau d’Aran).
  2. Reconeishem e defensam non sonque eth nòste dret a decidir, senon tanben eth de toti es pòbles deth mon que le volguen exercir.
  3. Observam damb preocupacion eth conflicte institucionau daurit coma conseqüéncia dera convocatòria deth referendum pera independéncia de Catalonha er pròplèu 1 d’octobre de 2017.
  4. Consideram que sonque exercint eth dret a vòt des ciutadans se pòt solucionar un conflicte d’aguesta naturalesa.
  5. Lamentam era manca de volontat politica deth govèrn espanhòu entà facilitar era celebracion deth referendum en març dera legalitat espanhòla.
  6. Celebram era determinacion deth govèrn dera Generalitat d’impulsar ua naua legalitat entà hèr possibla era votacion der 1 d’octobre que ven.
  7. Coma aranesi, mos sentem concernits politicament en procès d’autodeterminacion deth pòble catalan.
  8. Demanam damb tota fermetat as nòsti Alcaldes e representants institucionaus d’Aran que daurisquen damb normalitat es collègis electoraus er 1 d’octobre entà permeter-mos, coma ciutadans de Catalonha, expressar liurement era nòsta opinion sus eth futur de Catalonha.
  9. Demanam as politics e representants institucionaus de Catalonha qu’escoten damb valentia eth prononciament que hèsquen es aranesi e sapien acceptar es conseqüéncies que se’n deriven.
  10. Convocam a toti es ciutadans/es d’Aran a ua session informativa sus eth Referendum de Catalonha, qu’aurà lòc eth dia 30 d’agost en lòc e ora a determinar.

 

Signen eth present manifèst:

  • Emili Medan
  • Jaume Geli
  • Rafa Sanmartí
  • Àlex Moga
  • Paco Faure
  • Mireia Boya
  • Hug de la Rosa
  • Julian Fernández
  • Rafael Ferran
  • Joan Algadò

Écrire un commentaire