Midilibre.fr
Tous les blogs | Alerter le modérateur| Envoyer à un ami | Créer un Blog

mardi, 11 janvier 2011

Lexicografia populara, cada dissabte es dins Sud-Ouest - una practica correnta cap a la diglosia...

Es publicada dempuèi mai de vint annadas cada dissabte dins Sud-Ouest, Gironda. es domatge que fosquesse pas publicada dins tota la region occitana de las edicions Sud-Ouest.

Zo díson bordeluche, mas es de semantica occitana ortografia (mal ortografiat - version occitana) en vision francesa. Es un trabalh qu'ajuda a la diglosia, a l'oblit de la lenga occitana, autrecòps respectada abans l'arribada dels Francs, en 1453, e interdicha en 1470.

Image (2).jpgLo Dreit de l'Òme son estats tradusit en 1789 per d'avocat de Bordèu. D'aquel temps cap d'ostracisme lingüistic, es l'arribada de la politica nacional-expansionista, del bonapartisme, puèi de la republica dels ensenhants qu'avèm lo fòrabandissament militarista de la lenga del pòble de Bordèu a Niça (invasion francesa sonque en 1860).

La borgesiá mejana francesa podiá pus suportar d'aver de parlar d'autras lengas quora se fasiá de guèrra expansionista franchimanda, los páures sordats occitans an degut èstre los primièrs a suportar los ostracismes lingüistics franceses.

Recentament un militant de País Nòstre a entendut dins un tren entre Montalban e Castèl un jove goadelopean, militars, explicar al companh que li caliá arrestar de parlar creòl (èran entre els, e segurament que sul continent del poder, lor caliá servar la nòrma e parlar la lenga del poder, del rei-president perqué èran sordats) ; segur èra per son ben ... es aital que las lengas son estadas objectes de castigs, castig de tot escantilh, pauc a pauc, per èstre lo bon plaser dels militars, de los que comándan l'expansionisme.

L'urgéncia d'una politica lingüistica de desvolopament de las emplecs lingüistics es de mai en mai urgent en França. Que fan los deputats, los senadors ?

Aquestes sordats republicans avián pauc de moneda, tant pauc que son coneguts per prendre lo tren sense pagar entre Castèl e Montalban. Quina es aquesta faiçon qu'es una republica que desrasiga los joves de lor país (Guadelopa) e qu'es de los pagar e puèi incapable d'ensenhar dins la lenga naturala de la populacion, ensenhar la creativitat dins la lenga pròpria e non pas dins la lenga de l'elita parisenca ?

Aquò espanta País Nòstre, qu'i a encara de joves de la meteissa generacion per castigar los amics de parlar la lenga comunautària.

Alara lo mòt entendut es un mot d'aquí : «parle français», amb un ton d'imposicion militara, republicana e «salutària».

Les commentaires sont fermés.